CV de Metworst

Search
Close this search box.

Metwaldus en zijn adjudanten

Mien naam is Peter Arentz, alias Prins Metwaldus de 45ste. Net als De Metworst bun ik opgericht in 1964, um precies te zun op 29 oktober. Ik bun een van de veule naozaten van Vliegen Beernd …

 

Mien naam is Peter Arentz, alias Prins Metwaldus de 45ste Net als De Metworst bun ik opgericht in 1964 in Zillewold, um precies te zun op 29 oktober. Ik bun een van de veule naozaten van Vliegen Beernd uut de Kroezenhoek, dus roots met De Metworst van oldsher bunt d’r zeker. Toch bun ik pas in ut naojaor van 2000 bi’j De Metworst gekommen, als adjudant van Prins Lee, oftewel Roy Janssen. Ik bun, naodat ik adjudant af was, bi’j ut bestuur van De Metworst gevraogd, en dat heb ik tot now toe altied met vol plezier gedaon. Bovendien heb ik, noadat Metworstcoryfee Wim Veenhuizen in 2003 zien steak als Zittingspresident in de wilgen het gehangen, den steak d’r weer uutgeplukt en zien taak als Zittingspresident oavergenommen.Ook heb ik samen met Veurzitter Ibe Bongers nog twee jaor in de buut gestoan als de Gebroeders Ter Voert, um alle dorpsroddels en gemeentepolitiek eens ff flink deur de mangel te nemmen. Ook dat was wat mien betreft een hoogtepunt in mien Metworst carriere.

Now bun ik dan Prins Metwaldus 2007-2008, een jubileumprins nog wel. Ik bun dan ook hardstikke trots en ik vindt ut een hele eer dat ik met ons 44-jaorig jubileum Prins Metwaldus de 45ste bun, um d’r samen met alle Metworsten een onmundig mooi en heftig feest van te maken. En dan kump ut toch verdraaid mooi uut, dat wi’j now ons eigen "Wat zullen we drinken" Metworstbier hebben. D’r steet de ankommende maonden nog ontzettend vol op stapel, en dus dacht ik: laot ik dan meteen maor twee adjudanten nemmen in plaats van een. En daor is meteen ons motto veur dit jaor deur verklaart: "Al ut goeie kump in drieën!"

Mien naam is Bas "Os" Roes, een van de twee adjudanten van Prins Metwaldus de 45ste. Ik bun opgericht in Zillewold op 9 februari 1978 in Zillewold. Acht jaor geleje bun ik samen met Gerwin Vreeman toneelmeester geworden bi’j De Metworst, waorbi’j wi’j ons elk jaor weer ut schompes warken um de Prinkzittingen soepel te laoten verlopen. Mien andere hobby’s zun voetballen bi’j Sportclub Silvolde, woar ik elke week de sterren van de hemel spol in ut eerste.

Mien andere hobby is bier drinken, dat kan bijvoorbeeld in de kantine van de sportclub, maor natuurlijk ok urgens anders.Bovendien bun ik ook nog eens lid van de Rooie Vogels, un grote vrienden- en karnavalsgroep uut Zillewold. En jullie begriept dat ook ik hardstikke bli’j en trots bun um dit jubileumjaor als adjudant samen met Peter en Gerwin veurop te lopen in alle festiviteiten. Ook ik gao d’r met jullie allemaol un heftig en mooi feest van maken dit speciale jaor.

Mien naam is Gerwin "tomtom" Vreeman. Ik bun eigenlijk un stuk import uut Velp, opgericht op 28 juni 1970, maor ik woon al 35 jaor in Zillewold. Net als Bas bun ik 8 joar geleje als toneelmeester bi’j De Metworst um ook te helpen met de logistiek afwerking van al ut grei dat gebruukt wordt bij de Pronkzittingen. En te helpen met ut opdrinken van ut bier, want dat is een van mien hobby’s.

Mien andere hobby is voetballen bi’j Sportclub Silvolde. Ik heb ok al eens in ut eerste gespold, maor da’s alweer un paa joar geleje. In 1998 bun ik ook Prins bi’j de Metworst gewes, ik was Metwaldus de 35ste, mien adjudant was Jurgen Helming. Ook ik heb d’r onmundig vol zin an um d’r samen met jullie allemaol un perfect feest van te maken, en ik zal samen met Peter en Bas hardstikke trots veurop lopen in de polonaise.